--Ads--
BAGUIO CITY – Inaklon ni Baguio City Public Market Superintendent Fernando Ragma Jr. nga adda paylaeng ti pagparparikutan dagiti sumagmamano a vendors iti panakaipatungpal ti cashless transaction sadiay.
Sigun kenkuana, karaman kadgiti nasao a parikut dagiti mapaspasaran a technical error kadagiti loading stations.
Nupay kasta, kinunana nga inyumandan iti management ti service provider dagiti parikut ken impanamnama met ti kompanya ti panangpapintasda pay kadagiti sistema dagitoy.
Innayon ni Ragma a manarimaan metten ti panangpadur-asda kadagiti sistema dagitoy tapno balligi a maipatungpal ti cashless transaction iti merkado publiko ti siudad ti Baguio.
