Manamnama a dumar-ay dagiti 11 a kameng ti House prosecution panel iti naituding a panag-convene ti Senate impeachment court inton Lunes, May 18, 2026.
Sigun kadagiti maysa a prosecutors ti House panel a ni Bicol Saro party-list Rep. Terry Ridon, manamnama ti presensiya ti sibubukel a House prosecution panel tapno imatanganda ti panag-convene ti Senate impeachment court.
Daytoy ti kinuna ni Bicol Saro party-list Rep Ridon kalpasan nga impakaammo ni Senate President Alan Cayetano nga ag-covene ti Senate impeachment intun lunes,3 p.m.
Malaksid kenni Ridon, karaman iti House prosecution panel ni Rep. Gerville Luistro of Batangas, Rep. Ramon Rodriguez of 1-Rider party-list, Rep. Ysabel Zamora of San Juan City, Rep. Lorenz Defensor of Iloilo, Rep. Jose Manuel “Chel” Diokno of Akbayan party-list, Rep. Leila de Lima of ML party-list, Rep. Arlene Bag-ao of Dinagat Islands, Rep. Jonathan Keith Flores of Bukidnon, Rep. Lordan Suan of Cagayan de Oro ken Rep. Joel Chua of Manila.
Kadagiti 11 a prosecutors, ni Flores laeng ti saan a nagbotos iti “Yes” para iti pannakaimpeach ni Vice President Sara Duterte.
Naipaima ti Articles of Impeachment iti Senado idi Mierkules, dua nga aldaw kalpasan a dumanon iti 257 a House members ti nagbotos a ma-impeach ti bise presidente.
