Napilitan dagiti pasaheros a nastranded iti Ninoy Aquino International Airport (NAIA) Terminal 3 a maturog iti karton gapu iti bagyo a Carina.
Sumagmamano kadagiti pasaheros ti nagdesisyon nga agtalinaed iti Ninoy Aquino International Airport (NAIA) kalpasan a nakanselar ti biyahe dagitoy gapu iti saan a nasayaat a paniempo.
Sigun kadagiti pasaheros, aganusda ladta nga agiyan iti airport ken urayenda ti reschedule ti biyahe dagitoy nu pay kasta, dakkel daytoy a karit kadagiti addaan iti anak ken dagiti senior citizens.
Iti sabali a bangir, dagiti nastranded nga Overseas Filipino Workers (OFW) ket nagtalinaedda iti OFW lounge.
Kabayatanna, nagbisita ni Department of Migrant Workers Secretary Hans Cacdac iti Ninoy Aquino International Airport (NAIA) Terminal 1 tapno kitaenna ti kasasaad dagiti Overseas Filipino Workers.
Adda met ti naituding a Migrant Workers Assistance Center nga ag-assistar kadagiti nastranded a Pilipino.
