Sumagmamano a Senate Committee chairmanship ti nabaliwan kagiddan iti panagsukat ti liderato ti senado idi napalabas a lawas.
Uppat kadagiti miyembro ti baro a minority bloc ti senado ti naikatan ti chairmanship.
Sinukatan ni Senator Bong Go ti Senator Risa Hontiveros kas dadaulo ti Senate Committee on Health. Agtalianed metlaeng ni Go kas dadaulo ti Sports Committee.
Sinublat met ni Senator Loren Legarda ti Basic Education nga immunan nga indauloan ni Senator Bam Aquino. Malaksid iti dayta, idauloanna pay ti Culture and Arts Panel.
Ti Committee on Public Services a sigud nga indaulon ni Senator Raffy Tulfo ket idauloan itan ni Sen. Rodante Marcoleta bayat a sinublat ni Senator Jinggoy Estrada ti chairmanship iti Committee on Games and Amusement manipud kenni Senator Erwin Tulfo.
Naipaimay kenni Senator Jinggoy Estrada ti chairmanship ti Committee on National Defense and Security, Peace, Unification, and Reconciliation a sigud nga indauloan ni Senator Legarda.
Nagsubli met kas dadaulo ti Committee on Higher, Technical, and Vocational Education ni Acting Majority Leader Joel Villanueva manipud kenni Senator Legarda.
Agtalinaed nga iggaman ni Senator Pia Cayetano ti Committee on Ways and Means, Sustainable Development Goals, ken Energy.
Agtuloy met ti panangidaulo ni Senator Robin Padilla ti Public Information and Mass Media,ken Cultural Communities and Muslim Affairs.
Naaprobaran dagiti nadakamat a chairmanships babaen iti mosyon ni Senator Villanueva. //bombokaren.c.s
