BAGUIO CITY – Nailukaten ti Abra-Kalinga Road ken ti partikular iti Sibagan, Baay, Licuan Section kalpasan a nalpas ti clearing operation saiday kas maibasar iti kaudian nga advisory ti Office of the Civil Defense (OCD) – Cordillera.
Kabayatanna, agtaltalinaed a nakarikep ti Baguio-Bontoc Road gapu ti na-wash-out a paset ti Sabangan detour road ken ti Junction Talubin-Barlig-Natonin-Paracelis-Calaccad Road gapu iti nadadael a Balabag Bridge.
Nairikep met ti Acop-Kapangan-Kibungan-Bakun Road gapu iti panagregaay ti daga sadiay Tabbak, Kibungan, Benguet ken ti Poblacion-Palina Road sadiay Kibungan, Benguet gapu iti panagregaay ti bantay.
Nairikep met ti Banaue-Mayoyao-Alfonso Lista-Isabela Road gapu iti bassit a panagreggaay ti daga.
Manarimaan ken naituding ti clearing operations dagiti maseknan a kontraktor ken ti Public Works and Highways kadagiti nasao a kalsada.
