Sumagmamano nga agas ti innayon ti Food and Drug Administration (FDA) iti listaan dagiti agas nga awanan iti VAT.
Sigun iti maysa nga advisory, dagiti sumaganad nga agas ket naikabil iti VAT-exempt list a kas:
Cancer Medicine
Tremelimumab: Concentrate for solution for infusion (25 mg/1.25 mL, 20 mg/mL)
Degarelix: Freeze-dried powder for solution for injection (80 mg and 120 mg)
Diabetes Medicine
Sitagliptin: Film-coated tablet (25 mg, 50 mg, 100 mg)
Sitagliptin (as hydrochloride) + Metformin Hydrochloride: Film-coated tablet (50 mg/1 g, 50 mg/850 mg)
Sitagliptin (as hydrochloride monohydrate): Film-coated tablet (25 mg, 50 mg)
Linagliptin: Film-coated tablet (5 mg)
Medicine for Mental Illness
Clomipramine Hydrochloride: Film-coated tablet (25 mg)
Chlorpromazine (as hydrochloride): Tablet (200 mg)
Midazolam: Film-coated tablet (15 mg)
Iti public briefing idi kalman, kinuna ti pannakangiwat ti Food and Drug Administration a ni Atty. Pamela Sevilla a dagiti baro a nainayon iti listaan ket napagnunumuan dagiti pannakabagi ti FDA, Department of Health (DOH), Department of Finance, ken Bureau of Internal Revenue kalpasan a nagaplikar ti maysa a negosio a VAT-exempt dagiti kompaniada.
Dinakamat pay ni Sevilla a ti baro a listaan dagiti agas ket kanayon a mai-update, nu sadinno dagiti dadduma nga agas ket mainayon bayat a dagiti dadduma ket maikkat.
Idi Agosto, impablaak metlaeng ti nasao nga opisina ti sangapulo ket lima nga agas ti cancer, high cholesterol, hypertension, ken mental illness kas VAT-exempt.
Agarup dua pulo nga agas ti awan ti VAT manipod idi Marso, kasaruno ti pannakainayon ti duapulo ket maysa a VAT-exempted list idi Enero.
