Nainget ita ti health screening kadagiti dadduma nga eropuerto ti Asya kalpasan iti Nipah Virus Outbreak idiay West Bengal, India.
Nakailista gamin si West Bengal ti lima a kaso iti nasao nga virus idi napalabas a lawas no sadino ket adda pay laeng dagitoy iti kritikal a kondisyon.
Bayat iti tracing, naamuanda nga agarup 110 nga indibidwal ti nakasango dagitoy. Dagus met a naipasidong dagitoy iti quarantine.
Posible a maiyakar ti nasao a virus iti maysa a tao manipud kadagiti taraken nga ayop.
Addan daytoy iti death range nga 40% agingga 75% ken awan pay laeng ti mabalin nga agas ken bakuna kontra iti nasao a virus.
Gapu iti daytoy, nainget ita ti panang-check dagiti airports sadiay Thailand no sadino ket mangisaysangaykatda iti screening nanganangruna kadagiti nagapu iti pagilian nga India.
Nainget metlaengen ti panang-screening ti Nepal kadagiti sumangsangpet iti Kathmandu airport ken kadagiti land boarder da iti India. // Bombo Karen Calpoe Sapirao
