Impetteng dagiti sumagmamano nga indibidual nangruna dagiti turista ti pannakadismayada iti saan a nasayaat a kapadasanda bayat ti panagpasyarda iti Botanical Garden iti siudad ti Baguio.
Sigun iti maysa a turista, saanda a namnamaen a maka-encounterda iti grupo dagiti babaket ken dagiti sumagmamano a lalakay nga agdawdawat ken agkikkikil kadakuada nu agpicture dagitoy iti iconic picture area iti nasao a garden.
Naobserbaran metlaeng ti Bombo News Team bayat ti panagturongda sadiay ti nasao a banag.
Iti panakiuman ti Bombo Radyo kadagiti sumagmamano a turista, kinunada a no adda ti agpapicture kadagiti babaket sadiay a nakacostume ket nakasaganan dagiti imada nga agdawat wenno agkikil kalpasan ti panagpapicture-da.
Kinunada pay nga uray no agtaktakder laeng iti nasao a lugar ket dagitoyen ti umasideg tapno agkuldit ken agdawat no sadino pilit ti pamay-an dagiti dadduma.
Impettengda pay a maguilty dagitoyen nu saanda nga agited.
Sigun kadakuada, adda pay dagiti dadduma a babbaket ken lalakay a nu saanda a mapnek iti maited a kwarta kadakuada ket agungetda wenno ipilitda manen a panayunan daytoy.//Bombo Noveh Organo
