BAGUIO CITY – Apektado ti sumagmamano nga overseas Filipino workers (OFWs) sadiay Hong Kong gapu kadagiti dadakkel a tignay-protesta a maipatpatungpal iti nasao a lugar.
Maipalagip a nangipatungpal iti tignay-protesta ti agarup maysa a million a tattao sadiay Hong Kong gapu iti panangtubngar dagitoy iti extradition bill.
Sigun ken ni Bombo International Correspondent Elisa Ocden, maysa a domestic helper sadiay Hong Kong manipud Baguio City, idi kanikadua ket apektado dagiti kalkalsada sadiay gapu iti kina-adu dagiti protesters.
Kinunana a rabiin idi nakaawid ti dadduma nga OFWs gapu iti pannakairikep dagiti pagnaan.
Iti baet daytoy, kinuna ni Ocden a ‘business as usual’ latta sadiay Hong Kong gaputa saan met nga apektado dagiti business establishments sadiay iti baet dagiti mapaspasamak a riribok.
