Sakbay a limmaban ni Filipino boxer ken Kalinga pride Hergie Bacyadan iti Olympics Game itay laeng alas sais ti rabii ket immawat daytoy iti suporta manipud kadagiti kailyanna.
Idi rabii, Hulyo 30 ket sumagmamano nga Overseas Filipino Workers partikular dagiti i-Cordillera idiay Paris, France ti nagkaykaysa a nangipatungpal iti prayer meeting para iti natalged a laban ni Bacyadan.
Indauloan ni Bombo International News Correspondent Bong Varona ti prayer meeting a pinasetan metlaeng ni Bacyadan ken ti pamilyana.
Nupay saan a nangabak ni Bacyadan iti kaleppas a labanda iti Chinese boxer a ni Li Quan babaen iti unanimous decision ket ipadpadanon latta dagiti kakailyanna ti panangkablaawda kenkuana gapu ta nakadanon daytoy iti Paris Olympics.
Ni Bacyadan ket tubo ti Kalinga ken isuna laeng ti agmaymaysa nga atleta manipud iti rehiyon Cordillera a limmaban iti 2024 Paris Olympics.
