Agduadua ti sumagmamano nga opisial iti siudad ti Baguio seknan iti Withdrawal letter ti SM Prime Holding Inc. para iti Baguio City Market Redevelopement Project.
Iti pannakiuman ti Bombo Radyo kenni Councilor Edison Bilog, kinunana a saan paylaeng a nalpas ti laban dagitoy kontra iti redevelpment ti merkado publiko iti siudad.
Sigun kenkuana, kasapulan a siguraduenda a naawat ti opisina ni Baguio City Mayor Benjamin Magalong ti nasao a Withdrawal letter.
Kalpasan a naawat ti opisina ni Mayor Magalong ti nasao a surat, pagsasaritan ti City Council no aksiptarenda daytoy.
Iti kanito nga aksiptaren ti City Council ti nasao a surat, maikkat ti Original Proponent Status.
Impetteng ni Councilor Bilog a saan a mabalin a baybay-an daytoy ti City Council agsipudta, posible a mabiag manen ti Redevelopment iti sidong ti Public-Private Partnership (PPP) development.
Pannakaisingasing ti Ordinansa a mangamyendar iti Public-Private Partnership Resolution iti suidad Baguio, mapampanggep a maipila iti Baguio City Council
Impanamnama ni Coucilor Edison Bilog a mangisubmitir iti Propose ordinance a mangamyindar iti Ordinansa a mangipalpalubos iti pribado a proponent nga agiggem iti redevelopment ti merkado publiko ti suidad ti Baguio.
Innayon ni Councilor Bilog nga agaramid dagitoy iti addang tapno maamyendaran ti Public-Private Partnership Resolution nga inaprobaran idi ti City Council.
Babaen iti daytoy, maipanamnama a ti local a gobierno ti suidad ti Baguio ti mangipaaramid iti Public Market.
Malaksid iti dayta, mangisubmitir ti nasao nga opisial iti resolution a mangbilin iti Technical working group wenno Local Finance committee a mangisayangkat iti “Feasibility study”, tapno masigurado a madaal a nasayaat ti panannakaaramid ti merkado publiko ti siudad ti Baguio.
Baguio City Vice Mayor Faustino Olowan, awan ti naawatna a withdrawal letter ti SM Prime Holding Inc.
Impakaamo ni Baguio City Vice Mayor Faustino Olowan nga awan ti naawatna a withdrawal letter ti SM Prime Holding Inc. seknan iti panagsanudda iti redevelopment ti Baguio Public Market.
Sigun kenkuana, naka-address kenni Mayor Benjamin Magalong ti nasao a surat isu’t gapuna nga awan ti naawatna.
Nupay kasta, naipaay kadakuada ti kopya ti nasao a surat.
Inlawlawag ni Olowan a naituding a pagsasaritaanda ita a Lunes, January 05 ti maipapan iti Redevelopment ti Market.
Pasetan daytoy ti Public-Private Partnership development, City Council, Vendors ken dadduma a maseknan nga indibidual.
Nupay kasta, dakkel ti panagbaliw ti plano dagitoy gapu iti panagsanud ti SM.
Sigun kenni Vice Olowan, “Back to square one” dagitoy ken adu dagiti kasapulan nga urnusenda iti City Market ken dadduma pay.
Baguio City Market Redevelopment Project iti sidong ti Local a Gobierno ti siudad ti Baguio, adu dagiti kasapulan nga ikonsidera
Impetteng ni Baguio City Vice Mayor Faustino Olowan nga adu dagiti kasapulan nga inkonsidera iti kanito a maaprobaran a ti siudad ti Baguio ti mangipaaramid iti Baguio City Market.
Sigun kenkuana, kasapulan nga adalenda ti epekto daytoy iti siudad.
Inaklon ti nasao nga opisial nga adda ti kuarta ti siudad ti Baguio para iti redevelopment ti Public Market.
Nupay kasta, saan a mabalin a maaramat amin daytoy para laeng iti pannakapasayaat ti merkado publiko.
Kabayatanna, inyunay-unay ni Vice Mayor Olowan a kasapulan nga impatungpalda ti redevelopment ti City Market babaen kadagiti dadduma a wagas.
Panagsanud ti SM Prime Holding Inc. iti Baguio Public Market redevelopment project, maysa a milagro para iti sigud a Konsehal ti Baguio
Ibilbilang ni sigud a Baguio Councilor Mylen Yaranon a milagro ti panagsanud ti SM Prime Holding Inc. iti Baguio Public Market redevelopment project.
Iti interview ti Bombo Radyo iti nasao nga opisial, kinunana a “Good news” a damag daytoy ita a 2026.
Impetteng ni Yaranon a kasapulan nga aksiptaren ti City Council ti Withdrawal letter ti SM ken ilaksidda ti Original Proponent Status daytoy.
Insingasing pay daytoy nga agarid ti City Council iti addang tapno saan a ma-privatize ti City Public Market.
Namnamaen ni Yaranon a maikkat ti Public-Private Partnership (PPP) development para iti pannakapasayaat ti Baguio Public Market.
Maliksid iti dayta, insingasingana nga agaramid ti City Council iti Technical Working Group wenno Committee tapno maaddaanda iti parameters.
Nupay kasta, kasapulan nga isayangkatda ti konsultasion iti publiko ken dadduma a maseknan nga indibidual.
Iti kanito a matungpal ti redevelopment ti Public Market, kiddawen ni Yaranon nga inkonsiderada ti pannakapreserba ti Historical Core ti Public Market ti siudad Baguio. //mp4
