--Ads--
BAGUIO CITY – Narikna iti sumagmamano a paset ti Cordillera ti napigsa a gingined itay pasado alas tres ti malem.
Segun iti Philvolcs Baguio, nailista ti sentro ti nasao a gingined iti uppat a pulo ket tallo a kilometro iti amianan ti Santa Catalina, Ilocos Sur a tinamaan ti 4.9 magnitude a gingined.
Addaan daytoy iti kauneg a duapulo ket lima a kilometro ken daytoy ket tectonic in origin.
Nailista ti Intensity 5 wenno napigsa a panagdayyeg sadiay Sinait bayat nga Intensity 3 iti Vigan.
Narikna met laeng ti nasao a panagdayyeg iti sumagmamano a paset ti Baguio, Benguet, Mountain Province, Apayao ken Kalinga.
Segun iti sumagmamano a residente, napigsa ti nariknada a gingined a nagbayag iti sumagmamano a minutos.