--Ads--
“Glad I could help,” dayta ti nagbalin a sungbat ni President Ferdinand Marcos Jr. iti kinuna ni Vice President Sara Duterte maipapan ti panagbalin a mas nasinged a relasyon daytoy iti amana a ni sigud a President Rodrigo Duterte.
Maipalagip nga idi napalabas ket impeksa ni Vice President Duterte a ti mapaspasamak kadagitoy ket nagbalin a wagas tapno mapasamak ti panagpakawan wenno “forgiveness” kadakuada nga agama.
Innayon pay ni Duterte nga iti agdama ket addaan daytoy iti “father-daughter relationship” iti amana kasta met a blessed daytoy iti laksid ti kaso a sangsangoen ti sigud a presidente iti International Criminal Court.
Kabayatanna, niliklikan ti bise presidente nga agsarita maipapan iti kaso a sangsangoen ti amana.
