Adadda nga inlawlawag ni John Paul O.Santos, presidente ti Chairperson – Upper Loacan Transport Cooperative ( ULTC) ken maysa nga operator idiay Labilab, Loacan ti arrangement iti Barangay Loacan nu maipanggep iti transportasyon.
Iti pannakiuman ti Bombo Radyo Baguio kenkuana, inlawlawagna ti immunan a naipakaammo nga P140.00 a pamasahe idiay Barangay Loacan, partikular idiay sitio ti Labilab.
Sigun kenkuana, naituding ti nasao a gatad gapu ta mariknan dagiti driver da ti rigat gapu iti panangngato ti presyo ti produkto a petrolyo nangnangruna ta maymaysa laeng ti lugan nga agpaspasada iti nasao a sitio.
Isu’t gapunna a sigun kenkuana, nangisayangkatda iti meeting kadua dagiti umili iti nasao a sitio.
Impakaammona a ti nasao a plete ket napagnunumuan dagiti residente sadiay ken gapu ta maymaysa laeng ti agbibiyahe a PUJ iti nasao a sitio.
Sigun pay kenni Mr. John Paul, naka iskedyu laengen ti aldaw ti panagbyaheda no sadino Lunes, Miyerkules, ken Sabado laengen ti panagbyaheda.
Inlawlawagna met nga araramiden ti kooperatiba da ti amin a kabaelanda tapno masustinir kuma ti panagbyahe ti lugan ngem gapu iti agtultuloy a panagngato ti presyo ti krudo, marikna dan a saanda a kabaelan daytoy isu’t rason a naipangato ti plete sadiay.
Guyguyugoyenna met dagiti amin a taga-barangay Loacan para iti maangay a public consultation inton Abril 13 iti nasao a barangay seknan latta iti nasao a pakaseknan tapno maipinal dagiti aramidenda nga adjustments. //bombokcs
