--Ads--
BAGUIO CITY – In-inot a manaynayunan ti suplay ti antigen test kits a maaw-awat ti Baguio City kalpasan a nagkurang daytoy idi napalabas a lawas.
Sigun kenni Baguio City Mayor Benjamin Magalong, manamnama nga ipatulod dagiti supplier dagiti kanayonan a suplay ita a lawas.
Inlawlawagna a nagkurang ti suplay dagiti antigen test kits gaputa immado ti bilang dagiti indibidual pakairamanan dagiti turista nga nagpaisidong iti nasao a testing.
Mainaig iti daytoy, kinunana nga agpaut iti maysa ket kagudwa a bulan ti subsidized antigen test a mabalin a mang-akomodar iti 12,500 a turista.
Immuna iti dayta, nakaawat iti P1.8-M a subsidiya ti siudad manipod iti Tourism Promotions Board para iti agresibo a pannakaital-o ti turismo daytoy.
