BAGUIO CITY – Naibusen ti suplay ti City Veterinary Office kadagiti microchips para kadagiti taraken nga aso ditoy lokalidad.
Iti panakiyuman ti Bombo Radyo kenni City Veterinarian Dr. Bridget Piok, agarop 100 dagiti taraken nga aso ti naipaayandan iti microchips manipud nangrugi a naiyemplementar ti ordinansa idi Hunyo.
Kinunana nga iti agdama ket manarimaan ti panagalada iti kanayunan a suplay dagiti microchip manipud kadagiti mapagtalkan a suppliers.
Inlawlawag ti doktora a sakbay a gumatang ti siudad kadagiti microchips ket kasapulan pay a dumalan daytoy iti publication online n om sadino ditoyda nga umawat kadagiti suppliers a maki-bid kadakuada.
Imbinglayna a ditoy metten a mangrugi ti proseso ti panagala ti City Veterinary Office kadagiti microchips.
Kinuna pay ni Dra. Piok a bassit laeng ti inalada a suplay ti microchips gapu kadagiti nagduduma nga argumento ken petisyon dagiti pet owners a mangtubtubngar iti ordinansa a mangibilbilin iti kapilitan a panakaiparehistro dagiti taraken nga aso ken ti panakaikabil ti microchip kadagitoy.
Nupay kasta, mangnamnama latta daytoy nga ado kadagiti dog owners ditoy lokalidad ti mangparehistro kadagiti asoda nangruna no mangrugin a maiyemplentar ti panakaikabil kadagiti nasao a chip kadagiti colar dagiti aso.
