--Ads--
Inlawlawag ti Department of Energy (DOE) nga addan ti suplay ti Pilipinas iti petroleum nga agpaut iti agarup 50.94 nga aldaw.
Innayon daytoy nga adda pay dagiti naituding a sumangpet iti pagilian iti baet ti mapaspasamak a tensyon idiay Middle East.
Sigun kenni Department of Energy Sharon Garin, addaan iti pagilian ti pakabuklan a 75.052 million liters iti produkto a petrolyo.
Kinumpirmar metlaeng daytoy a nagorderda iti 1.042 million barrels wenno 165.7 million liters para iti suplay ti diesel no sadino 142,000 a bariles ti simmangpet iti merkado publiko ti pagilian.
Naituding met a sumangpet pay ti agarup 300,000 manipud North Asia wenno India para iti suplay ti nasao a produkto ti pagilian. //bombokaren.c.s
