BAGUIO CITY – Inpanamnama ti Department of Agriculture (DA) Cordillera ti suportada iti urban agriculture kadagiti nagduduma nga agriculture-based barangays iti Baguio City.
Sigun ken DA Cordillera Regional Executive Director Cameron Odsey, agtultuloy ti ipapaayda a suporta kadagiti urban farmers iti tallo a barangay iti syudad a pakairaman ti Happy Hallow, St. Tomas School Area ken Irisan tapnu masustinirda ti agriculture-based a pagtataudan ti pagbyagan dagitoy.
Kinunana a nakaipaay metlaeng dagitoy kadagiti local farmers iti suplay ti certified seeds dagiti nagduduma a kita ti nateng para iti agricultural crop production dagitoy malaksid laeng kadagiti impaayda a suporta para iti pannaka ital-o ti coffee production kadagiti sumagmamano a lugar iti syudad.
Kagiddan iti dayta, guyguyuguyen ti regional director dagiti residente ti syudad iti panangi-maximize da kadagiti bassit a spasyo kadagiti arubayanda tapnu maaramat kas garden nga agserbi kas production iti suplay ti taraon nangruna kadagiti nateng ken dadduma pay.
