--Ads--
Naarestar itan ti indibidwal a nangpapatay kadagiti uppat nga indibidwal ken tallo nga aso idiay Lancaster, California idi laeng November 16, 2024 a nakairamanan dagiti agkabsat a Pilipino.
Kinumpirmar iti opisina iti Los Angeles County Sheriff ti panakaarestar ti suspect a nabigbig iti nagan a Miguel Sandoval, agtawen iti 19 ken residente metlaeng iti nadakamat a lugar.
Naipilaanen daytoy iti kaso a murder gapu iti panangpalpaltogna kadagiti biktima nga immunan a nabigbig a da Janvi Maquindang, Christine Asa-Ca, Edwin Garcia ken Matthew Montebello.
Iti agdama, maur-uray paylaeng ti resulta iti imbestigasyon seknan iti motibo ti suspect iti inaramidna a krimen.
