Boluntaryo a simmuko ti 27-anyos a lalaki a driver ti naglibas a lugan kalpasan a nagpa full tank iti maysa a gasolinaan idiay La Loma, Quezon City idi Marso 22 no sadino agarup P5,196 ti intarayanna a gatad.
Iti agdama, addan daytoy iti kustodiya ti Quezon City Police District Station 1.
Sigun iti kapulisan, kadua pay daytoy dagiti kapamilyana idi boluntaryo a simmuko daytoy iti nasao nga istasyon.
Nabigbigda a dagus ti suspek babaen iti CCTV footage ti napasamak nga insidente.
Sigun iti suspek, saanna ammo a sarsaraken daytoy dagiti otoridad.
Innayonna a nagtalinaed laeng daytoy iti pagtaenganna idiay San Jose del Monte, Bulacan ken saanna nga inruwar ti lugan isu’t gapunna a saanna nga ammo a sarsaraken gayam daytoy dagiti otoridad.
Iti agdama, isagsagana dagiti otoridad ti kaso nga estafa a maipila kontra iti nasao a driver. //bombokaren.c.s
