Imbutaktak dagiti pulisya idiay United Kingdom a nakikadua iti terrorist group nga ISIS ti suspek a rimmaut iti synagogue idiay Manchester.
Iti nasao a panagatake, pimmusay ti dua nga indibidual ken nadangran ti dadduma pay.
Sigun iti United Kingdom counterterror police, inaklon ti suspek a ni Jihad al-Shamie nga immawag paylaeng daytoy iti emergency service ken nagdeklara a daytoy ket imbaon ti ISIS.
Maipalagip nga inatake ti suspek ti Heaton Park Hebrew Congregation Synagogue idiay Manchester.
Immawag ti 35-anyos a British citizen ken Syrian descent iti telepono kalpasan a dinalapus ti luganna dagiti tattao ken panagsaksak idi Oktubre 2.
Iti nasao nga insidente, aksidente metlaeng a napaltugan ti maysa a pimmusay a biktima a ni Adrian Daulby, 53-anyos.
Agtultuloy met ti maisaysayangkat nga imbestigasion dagiti otoridad nu adda pay ti dadduma a kadua ti suspek iti inaramidna a panagatake.
