Nakemmeg ti suspek iti agsasaruno a panagtakaw dagiti motorcycle riders a mangpunpuntiria kadagiti ganggannaet a turista sadiay Makati.
Iti CCTV footage, maimatangan ti dua nga indibidual a nakamotorsiklo a nang-agaw iti selpon iti maysa nga Chinese a turista idi Disiembre 12.
Maysa manen a panagtakaw ti nailista idi Disiembre 16 iti agpada a lugar, iti maysa manen a turista a Chinese.
Sigun kenni Police Major Judge Donato, chief investigation ti Makati City Police, nu turista dagiti biktima, saanen a mangipila ti kaso dagitoy gaputa pumanpanawda kalpasan ti lima agingga sangapulo nga aldaw a panagbisita iti Pilipinas.
Idi Disiembre baente, tinakaw dagiti agtatakaw ti bag a naglaon iti ¥50,000 yen wenno agarup P130,000 manipud iti maysa a turista a Chinese, ngem natiliw ti maysa kadagiti suspek kalpasan ti panangkamatda.
Kinondenar met ti embahada ti Japan ti insidente ti panagtakaw.
Inaklon ti suspek nga isuna ti maysa iti adda iti tugaw iti likud bayat ti Disiembre 16 ken 20 nga insidente.
Kinunana nga adda pay ti uppat nga indibidual iti gang pakairamanan ti dadauloda nga agnagan ti “Danza.”
Maibasar iti imbestigasion, adda gayamen ti immuna a kasona a panagtakaw ken iligal a panagimetna ti paltog.
Iti agdama, sumangsango ti suspek iti kaso a panagtakaw ken possession of firearms ken ammunition.
