--Ads--
BAGUIO CITY – Agtultuloy ti imbestigasyon dagiti otoridad para iti pakabigbigan ken lokasyon ti suspek a nangbagsol iti maysa a lalaki sadiay Buhaw, Puguis, La Trinidad, Benguet.
Immunan a nabigbig ti biktima a ni Rembran Saquin, 26 anyos, construction worker, tubo ti Morong, Rizal ken residente ti Puguis, La Trinidad.
Maibasar iti imbestigasyon a naisayangkat, naaddaan iti nabara nga argumento ti suspek ken ti biktima a nangitunda iti panangbagsol ti suspek iti biktima sakbay a naglibas ti suspek.
Dagus met a naiturong ti biktima iti maysa a pagagasan para iti pannakataming daytoy ken ita ket agtultuloy ti panagpaimbagna.
