--Ads--

Naarestar ti maysa a lalaki kalpasan iti impatungpal dagiti operatiba ti Itogon Municipal Police Station a buy-bust operation idiay Sitio Luneta, Loacan, Itogon, Benguet.


Nagresulta ti buy-bust operation iti pannakakumpiskar ti maysa a heat sealed transparent plastic sachet a naglaon iti maatap a shabu ken addaan iti Standard Drug Price a P1,156.


Malaksid iti dayta, nakumpiska metlaeng manipud iti suspek ti dua pay a transparent sachet a naglaon iti maatap a shabu nga addaan iti SDP a ₱884.00 ken ₱1,768.00.


Iti pakabuklan, tallo a sachet ti nakumpiska manipud iti suspek nga addaan iti pakabuklan nga SDP a P3,808.00.


Impetteng met ti Itogon MPS ti agtultuloy a komitmentda iti panangsalwad iti komunidad ken panang-gun-odda iti drug-free municipality.