--Ads--
BAGUIO CITY – Maisayangkat ti swine depopulation wenno panagpatay kadagiti baboy kasaruno ti outbreak ti African Swine Fever (ASF) sadiay Danac East ken Danac West iti munisipyo ti Boliney sadiay Abra.
Mangrugi daytoy ita nga aldaw ti Miyerkoles, Abril 28 ken agleppas inton Mayo 11 ti agdama a tawen.
Panggep ti aktibidad a malapdan ti ad-adda a panagwaras ti ASF sadiay.
Maipalagip a naduktalan a positibo iti ASF ti sample a nagtaud kadagiti nasao a lugar idi Abril 25.
Maibasar met iti rekord ti Boliney Municipal Agriculture Office, pakabuklan a 355 a taraken a baboy sadiay Danac East ken Danac West ken 12 kadagitoy ti natay.
