Nangipatungpal iti panagprotesta dagiti taga-suporta ni Pastor Apollo Quiboloy iti sangwanan ti Kingdom of Jesus Christ (KOJC) compound sadiay Davao City idi kalman.
Daytoy ket gapu iti presensya dagiti pulis a naideploy iti aglawlaw ti simbaan para iti panakaipaay ti arrest warrant kontra kenni Quiboloy.
Nangrugi ti panagprotesta iti oras ti alas-sais ti sardam ken ditoy a mangegan dagiti arungaingda.
Mangegan met ti kiddawda a panakaikkat ni President Ferdinand Marcos Jr. kas dadaulo ti pagilian.
Maipalagip a nagturong dagiti pulis iti compound ti nasao a simbaan idi Sabado para iti panakakemmeg ni Quiboloy.
Ni Quiboloy ket sumangsango iti nagduduma a kaso gapu iti panaglabsingna iti Special Protection of Children Against Abuse, Exploitation, and Discrimination Act ken daduma pay.
