MOUNTAIN PROVINCE- Kinumpirmar ti Provinicial Health Office-Mountain Province dagiti tallo a baro a kaso ti COVID-19 ita a lawas.
Maibasar iti datos ti Provincial Health Office-Mountain Province, dua kadagiti nag-positibo ti COVID-19 ket taga-Bauko, ken idiay Sabangan.
Gapu iti dayta, impaganetget ni Dr. Carolyn D. Yawan, Provincial Health Office Officer I, a nakatutokda a mang-monmonitor ti kasasaad dagiti tallo a nagposibito.
Malaksid iti dayta, imonmonitor metlaeng dagitoy dagiti sangapulo nga indibidual a nakapinnulapol dagiti nagpositibo.
Kabayatanna, nagpalagip met ni Engr. Kathleen Wayyas, manipud iti Provinicial Health Office-Mountain Province iti publiko tapno agridam ken agannadda kasaruno ti damag nga adda manen ti baro a variant ti COVID a maawagan ti iti FLiRT.
Iti agdama, naka-home quarantine metten dagiti nagpositibo iti nasao virus.//Penny T. Tammocho, Local Correspondent manipud Bontoc, Mountain Province.
