Mannarimaan ti panangisagana ti Sangguniang Bayan ti Munisipyo ti La Trinidad iti tallo a resolutin para iti panangkiddaw iti tulong manipud kenni Mark Lapid, Chief Operating Officer ti Tourism Infrastructure and Enterprise Zone Authority (TIEZA).
Sigun kenni La Trinidad Vice Mayor Atty. Guiller A. Galwan, immuna nga inaramid dagitoy ti Resolution No. 415-2026 a mangkidkiddaw iti pannakaipaay ti pondo a P40 Milyon para iti pannakaleppas ti mannarimaan a konstruksyon ti Community Business Center ken Agro-Tourism Marketing Center iti nasao a lugar.
Iti nasao a resolution, agserbi ti marketing center kas multi-functional venue para kadagiti local farmers, Micro, Small, and Medium Enterprises (MSMEs), trade exhibits, cultural presentions ken kadagiti indibidual a bumisita iti nasao a munisipyo.
Nakalanad metlaeng iti resolution a babaen iti nasao a marketing center, adadda a mapasayaat ti local revenues, makissayan ti post-harvest losses, mabukkel ti adaddu nga oportunidad kas iti pagtrabahuan, ken adadda pay a mapapintas ti agro-tourism ken dadduma pay.
Maysa metlaeng daytoy kadagiti kangrunaan nga ifafastrack ti nasao a munisipyo.
Ti met sumaruno ket ti Resolution No. 416-2026 a mangkidkiddaw met iti pannakapondo ti pannakaibangon ti Micro, Small, and Medium Enterprises (MSMEs) Building iti ‘bagsakan’.
Nakaladan iti maikadua a resolution a babaen iti pannakaibangon ti nasao a building, mapapintas ti ekonomiya ken public service ti munisipyo, mapabileg ti local Micro, Small, and Medium Enterprises (MSMEs), ken Micro-Entrepreneurs, maitandudo dagiti mannalon ken agri-processors, ken mapadur-as ti Sustainable Agro-Tourism. Dumanon met iti P100 Milyon ti kasapulan a pondo para iti nasao a proyekto.
Ti met maikatlo ket ti Resolution No. 417-2026 a mangkidkiddaw iti pannakapondo ti pannakapasayaat ti La Trinidad Trading Post wenno ti “Bagsakan” no sadino dumanon met iti P100 Milyon ti kasapulan a pondo.
Mainaig iti dayta, patien ni Galwan nga apaman a malpas amin dagitoy ket dakkel ti tsansa a mapasayaat met ti ekonomiya ti munisipyo ken matulong dagiti mannalon, cutflowers, ken dadduma pay, saan laeng a dagiti mannalon manipud iti nasao a munisipyo nu diket kadagiti metlaeng kabangibang a lugar.
Mangnamnama met ti nasao nga opisyal a mapondoan dagiti nasao a proyekto babaen kenni Mark Lapid kas Operating Chief ti Officer ti Tourism Infrastructure and Enterprise Zone Authority (TIEZA). //via Bombo Noveh Organo
