Nakailista ti Barangay Disaster Risk Reduction Management iti tallo a soil erosion sadiay Leonila Hill, Baguio City.
Daytoy ket pakairamananen ti soil erosion iti maysa a private riprap idi kalman.
Iti pannakiuman ti Bombo Radyo kenni Erwyne Rowell Gayo, Committee Chairman ti nasao nga opisina, kinunana nga awan ti naapektaran wenno nagbakwit iti daytoy.
Nupay kasta, agtultuloy latta ti panagmonitor dagitoy kadagiti masakupanda a lugar nangruna ita nga agtultuloy ti mapaspasar a tudo.
Kabayatanna, impeksa ti kagawad iti nargaay a daga sadiay Evangelista St. a possible manen a margaay ti kaabayna daytoy a lote rason nga inikkanda daytoy iti trapal kasta metten nga under monitoring daytoy.
Gapu iti dayta, nagballaag dagitoy kadagiti residente nga agbakwitda iti kanito a kasapulan tapno maliklikan ti saan a nasayaat nga insidente.
Innayon pay ti nasao a kagawad nga agbalbalin a parikutda ti panakapullat ti kanal dagitoy gapu iti bulbulong rason a saan nga agduritso ti danum iti kalsada.//Bombo Noveh Organo
