BAGUIO CITY – Nakaruaren iti pagagasan ti tallo nga indibidual a nadangran iti napasamak nga aksidente sadiay Bokawkan Road, siudad ti Baguio idi kanikadua.
Immunan a nagbigbig dagitoy a da Leonides Madera Tan, 37-anyos a driver ti truck nga addaan plaka a WPA 449 ken ti dua a pahenantena a da Cesar Orsame Novilla, 47-anyos ken Joven Cañeza Toquero, 22-anyos, bin-ig dagitoy a residente ti San Jose, Nueva Ecija.
Gapu iti daytoy, kinuna ni PCI GiL Imado, dadaulo ti Baguio City Police Office – Station 2 a manamnama nga makipatang ti operator ken ti maseknan a driver kadagiti dadduma nga akinkukua iti nairaman a lugan.
Kinunana a maysa kadagiti agtagikua ti lugan ti nagkiddaw a naan-anay a masukatan ti nadadael a lugan daytoy.
Kinuna ni PCI Imado a kalpasan ti insidente ket naiturong dagiti nairaman a lugan iti shop tapnu maamuan ti estimated damages dagitoy a posible a bayadan ti operator.
Kabayatanna, innayon ti opisial a makipatang daytoy kadagiti maseknan nga opisina iti siudad tapnu maipaayan iti kanayunan a pakdaar ti lugar para kadagiti dumaldalyasat a motorista sadiay.
