--Ads--
Pimmusay dagiti tallo a crew members bayat nga uppat ti mapukpukaw kalpasan a nabaliktad ti nagluganan dagitoy a fishing vessel sadiay Santa Ana, Cagayan gapu iti epekto ti super typhoon Nando.
Sigun iti Philippine Coast Guard (PCG), innem ti nakalasat ken naispal.
Kinunana a nasaayat a nagalutan ti bangka dagitoy ngem gapu iti napigsa nga angin isu’t gapuna a nabaliktad daytoy.
Innayonda pay a nagtalinaed dagiti nasao a crew iti uneg ti nasao a bangka bayat ti nasao a typhoon agsipud ta nabilin dagitoy nga agbantay.
Gapu iti dayta, agtultuloy paylaeng ti search and rescue operations tapno masapulan dagiti mapukpukaw.
