Winayawayaanen ti Hamas ti tallo a kautiboda nga Israeli idi laeng kalman.
Dagiti nawayawayaan ket manipod Khan Younis idiay Gaza ken nai-turn over iti Red cross sakbay nga inturong dagiti suldado ti Israel iti dadduma a lugar idiay Gaza.
Dagiti suldado ti Israel mismo ti nangitulod kadagiti nawayawayaan nga Israeli paawid iti pagtaenganda idiay Israel.
Karaman kadagiti nawayawayaan ket pakairamanda da Alexander Troufanov, Yair Horn ken Sagui Dekel-Chen.
Ti panangwayawaya kadagiti Israeli hostages ket kasukat iti panangwayawaya met kadagiti nasurok a 360 Palestine prisoners a naibalud iti pagbaludan ti Israel.
Maipalagip a nagpangta ti Hamas a saanda a wayawayan dagiti kautiboda nga Israelis kasaruno ti mapapati a panaglabsing ti Israel iti ceasefire deal.
Nagpangta met ti Israel a nu saan a waya-wayan dagiti kautiboda idi kalman, ituloyda a rauten ti Gaza.
