Tuguegarao City – Pimmusay ti tallo a pulis manipud probinsya ti Apayao bayat a nadangran ti tallo a kakaduada kalpasan a naidungpar ti patrol car a nagluganan dagitoy iti maysa a 10-wheeler truck sadiay Iguig, Cagayan idi rabii.
Segun kenni PO2 Anthony Pamittan manipud iti Iguig PNP, pimmusay kabayatan a matamtaming iti pagagasan da PO1 Benjie Kieth Pursen a driver ti patrol car, PO1 Jezmonde Basiad ken ni PO1 Darel James Galario.
Nadangran met da PO1 Charlo Kiat-ong, PO1 Junrie Balong-angay kenni PO1 Venie Balangui.
Kinuna ni PO2 Pamittan a maibasar iti imbestigasyon dagitoy ket nag-overtake ti lugan dagiti pulis iti maysa a kotse a nangitunda tapnu maidungparda met iti nasabatda a trak.
Naamuan a nagtaud dagiti pulis sadiay Tuguegarao City tapnu ipa-CT scan ti maysa kadagiti kadua dagitoy sakbay a napasamak ti aksidente. (Bombo Radyo Tuguegarao)
