Kinumpirmar ti National Bureau of Investigation ita nga aldaw, a nagsagrap iti dua a tama iti paltog ti bagi dagiti nasarakan a bangkay ti beauty pageant contestant a ni Geneva Lopez ken ti Israeli a nobyona a ni Yitshak Cohen.
Sigun kenni Jaime Santiago, Director ti National Bureau of investigasion, posible nga adda iti pakainaiganna iti lote ti motibo iti napasamak a krimen.
Mainaig iti dayta, impetteng ni Benhur Abalos, Interior Secretary a dua a police officers ti suspek iti napasamak a krimen, no sadino addan dagtoy iti kostudiya dagiti maseknan nga otoridad.
Maipalagip a nasarakan ti agruprupsa a bangkay da Lopez ken Cohen idi laeng kalman a nakaikali sadiay Capas, Tarlac kalpasan a kinumpirmar daytoy dagiti pamilia ken maseknan nga otoridad.
Iti agdama, naitabonen ti na-cremate a bangkay ti Lopez idiay Pampanga bayat nga agladladingit ita ti Israeli Embassy ken inkarida nga ipaayda ti kaskenan a tulong iti pamilia ni Cohen tapno maisubli ti bangkay daytoy sadiay Israel.
