Mangnamnama ni Miss Universe Philippines 2024 Third Runner Up Tarah Valencia iti agtultuloy a suporta inton ibagina manen ti Baguio City iti Miss Supranational 2025 idiay Poland.
Inaklon ni Valencia a saanna a ninamnama a makaawat daytoy ti suporta uray kadagiti saan a taga Baguio City.
Iti baet a first timer daytoy iti national pageant ken ninamnamana a marigatan iti nasao a pasalip, kinarit na ladta ti bukodna a bagi gapu ta kayatna a maipakita ti abilidad ti maysa a taga-Baguio.
Iti agdama,kayat paylaeng ni Valencia nga enjoyin ti panakangabakna kas Miss Universe Philippines 2024 Third Runner Up nu sadino, maysa kadagiti pakakumikumanna dagiti maaw-awatna nga imbitasyon.
Kabaytanna,manamnama met ti panagsagana ti nasao a beauty queen para iti panakisalipna iti Miss Supranational 2025 babaen iti panangadalna kadagiti mapaspasamak iti nasao a pasalip.//Bombo Jez Lapizar
