UNITED STATES – Pagdandanagan dagiti dadduma a residente iti Estados Unidos ti posible a panagibales ti pagilian nga Iran kalpasan a binombaan ti US dagiti nuclear Facility dagitoy.
Iti pannakiuman ti Bombo Radyo kenni Delfrado Villanueva, Bombo International News Correspondents sadiay Estados Unidos, kinunana a posible nga agibales ti pangilian nga Iran iti nagduduma a kameng ti US Airforce ken dadduma pay.
Nupay kasta, kinuna ni Villanueva a nakasagana ti Estados Unidos.
Kabayatanna, dumanon iti 55% a botante ti mangipekpeksa a saan a makibiang ti Estados Unidos iti giera iti nagbaetan ti Iran ken Israel; 45% ti saan a pabor iti insayangkat ti Estados Unidos nga Air Strike sadiay Iran; 25% ti suportado ken 30% dagiti saan a sigurado.
Innayon ni Villanueva a kaadduan kadagiti Republican Partly ti pabor no sadino, sumagmamano ti saan.
Mainaig iti dayta saan a pabor ti kaaduan iti Democratic Party, sigun iti nasao a partido “Unconstitutional” ti panagbomba ti US iti nuclear facility ti Iran.
Impetteng ti nasao a partido a saanda a pabor agsipudta, mangitunda daytoy iti panagdanag, panaka-alarma ken panagibales ti Iran.
Iti baet dayta, kinuna ni US Secretary of State Marco Rubio nga awan ti pagdanagan ti publiko sadiay Estados Unidos agsipudta ad-adda nga agibales dagitoy iti kanito nga adda ti garawen ti Iran a pasibilidad ti Estados Unidos.
Iti agdama, saan paylaeng a nainget ti siguridad sadiay, ita a posible ti panagibales ti Iran.
Manarimaan metlaeng ti panagsukimat dagiti otoridad kadagiti lugar sadiay nangruna dagiti tao a posible a kaalyado ti Iran.
Sigun kenni Villanueva, tumultulong laeng ti Estados Unidos a mangdadael kadagiti Nuclear facility a pakaar-aramidan dagiti Bomba ti Iran, tapno saanda nga aramaten a panangbutbuteng kadagiti dadduma a pagilian.
Kabayatanna, ad-adda manen a mapapigsa ti pwersa ti Estados Unidos iti kanito a sukatanda ti B-2 Spirit stealth bombers iti kabarbaro a maaw-awagan iti B-21 Raider bomber.//mp4
