--Ads--
Imbilin ti Muntinlupa court kenni Director Darryl Yap nga i-take downna ti teaser ti pabuya daytoy a “The Rapists of Pepsi Paloma,” a nakairamanan ti nagan ni Vic Sotto.
Daytoy ket kalpasan a pinatgan ti Muntinlupa Regional Trial Court (RTC) Branch 205 ti petisyon ni Sotto para writ of habeas data nga impilina iti nasao a korte.
Nupay kasta, pinatgan ti korte nga ituloy ni Yap ti production ken iti panangiruar iti nasao a pabuyana.
Kabayatanna, inyebkas met ni Atty. Enrique Dela Cruz ti lawyer ni Sotto a namnamaenda a dagus a matake down daytoy nangruna ta nairaman ti nagan ni Sotto iti daytoy.
Innayonna pay nga awan ti plano dagitoy nga umapila iti nasao a desisyon.
