Nagpalagip ti Department of Tourism iti rehion Cordillera kadagiti amin a tourism establishments (TEs) nga ipatumpalda ti Checking Our Aptitude on the Typhoon Season wenno COARTS, kasta met ti security and safety plans dagitoy tapno maprotektaran dagiti bisita ken empleyado iti idadalapos iti bagyo nga Ofel.
Malaksid iti dayta, inrekomendar iti nasao nga ahensia kadagiti Local Government Unit iti rehion a temporaryo a suspinderenda dagiti outdoor tourism activities kadagiti pagpasyaran.
Naingit nga inrekomendar iti nasao nga ahensia a makanselar dagiti mountain climbing, panagbisita kadagiti kweba, white-water rafting ken dadduma pay nga aktibidad iti turismo nangruna kadagiti napeggad a lugar iti rehion.
Kabayatanna, balbalakadan dagiti turista nga ipangpangrunada ti kinatalgeda ken agtumpalda kadagiti pagannurutan ken balakad iti localidad.
