Balligi a naipatungpal ti Third Quarter Nationwide Simultaneous Earthquake Drill 2024 kadagiti nagduduma a paset ti pagilian, sigun iti Office of Civil Defense (OCD).
Para ita a quarter, panggep ti Office of Civil Defense (OCD) a pasayaaten ti Harmonized National Contingency Plan (HNCP) kas panagsagana iti posible a mapasamak a “The Big One” wenno ti magnitude 7.2 earthquake iti paset ti Metro Manila nga itunda ti West Valley Fault.
Daytoy nga aktibidad ke addaan met laeng panggep nga ammoen dagiti lugar a posible a maapektaran ti gingined.
Ti panagrugi ti drill ket babaen ti siren ken ditoy a dagiti participants ket nangisayangkat iti “Duck, Cover ken Hold.”
Sigun kenni Office of Civil Defense (OCD) Administrator Undersecretary Ariel Nepomuceno, rumbeng a maamoan a dagus dagiti paset a lugar para iti duck, cover and hold tapno maliklikan ti panakadangran.
