BAGUIO CITY- Maisayangakat manen ti tignay-protesta iti siudad ti Baguio, kagiddan ti pannakalagip ti EDSA Revolution iti pagilian intun February 25, 2026.
Iti pannakiuman ti Bombo Radyo kenni Gabriel Siscar, spokesperson iti Kabataan Partylist kinunana nga agprotesta dagitoy intun Mierkules iti ala sais ti malem.
Sigun kenkuana, nasayaat a sublian dagiti napalabas a protesta tapno ad-adda a mapapigsa ti anti-corruption campaign ken agserbi daytoy nga adal.
Impakaammo ni Siscar a ti tema dagitoy ket “Isabuhay ang diwa ng EDSA, panagutin ang mga korap at pahirap.”
Inlawlawagna a malaglagip ti aldaw ti EDSA gaputa historikal.
Patien ni Siscar nga adda ti puersa dagiti agtutugbo para iti panagbalbaliw ti pagilian.
Impettengna a mangisayangkat dagitoy iti napalawa nga information campaign kadagiti pagadalan ken organisasyon tapno ipakitada ti kaipapanan ti EDSA.//mp4
