--Ads--
Namnamaen ni Senador Ping Lacson a nainget a suruten ti Office of the Ombudsman ti naituding a panawen wenno deadline iti panangipila iti kaskenan a kaso kontra kadagiti indibidual a karaman iti naanomalyaan a flood control projects.
Sigun kenkuana, rumbeng a dagus a maipila ti kaso iti Sandiganbayan no addaan iti umdas ken natibker a probable cause wenno basaran tapno maituloy ti panagdengngeg.
Kinunana pay a ti dagus a panakaipila iti kaso ket maysa a nalawag a mensahe iti publiko nga awan ti siasinoman nga agtakaw wenno agkurako iti pundo ti pagilian.
Inyunay-unayna pay ti kinapateg ti dagus a panag-akson iti kaso, nangruna ita a panawen.
