NEPAL – Ammo yo kadi mga ka-Bombo nga adda ti mabigbigbig kas “Toothache Tree” wenno Vaisha Dev Shrine idiay Nepal?
Mabigbigbig metlaeng daytoy kas maysa kadagiti naisangsangayan a tourist attraction nu sadino masarakan daytoy iti maysa a nailet a kalsada idiay Kathmandu.
Ti Vaisha Dev ket Newar goddess of toothache nu sadino ibagbagada a daytoy ket paset ti maysa a mythical tree a maawagan a Bangemudha.
Adu dagiti agturturong iti nasao a lugar nangruna dagiti agsagsagaba iti sakit iti ngipin mangnamnama a mapaimbag babaen ti panagkararag ken panangipaay iti barya iti Toothache Tree.
Iti baet ti nasao a pammati, adu kadagiti dentista ti nangipasdek iti clinicda asideg iti nagtakderan ti Toothache Tree nu sadino, nasurok sangadosena ti kaado dagitoy rason a naawagan ti lugar kas dental district.
Nu saan nga agimbag ti sakit iti ngipin dagiti agturong iti Tootache Tree babaen ti panangidatonda iti maysa laeng a barya, mabalinda ti agturong kadagiti dental clinics iti asideg daytoy kas second option.
