BAGUIO CITY – Nabigbigen ti 2019 Ten Outstanding Students of the Philippines-Cordillera Administrative Region (TOSP-CAR) iti naangay a regional awarding ceremony.
Nabigbig dagiti awardees a da Shyla Alsaen ken Shereen Padchonga manipud Mountain Province State Polytechnic College; Joseph Dimmic Jr. manipud Ifugao State University; Marcial Etong manipud Cordillera Career Development College; Cariza Mae Ferrer manipud University of Baguio; Vel Christian Castillo ken Dianalyn Santos manipud Saint Louis University ken da Brendon Bangco-og, Kenjo Ernesto Bay-an ken Gabriel Tugbo manipud Benguet State University.
Napili dagitoy manipud kadagiti 20 a finalists nga estudyante manipud iti nagduduma a private higher education institutions ken state universities and colleges iti rehiyon Cordillera a nangipakita iti naisangsangayan a performance iti academic excellence, leadership ken social responsibility.
Naipasidong dagiti 2019 TOSP-CAR iti evaluation ti regional executive committee, screening personnel manipud nagduduma nga opisina ken dagiti napili a judges.
Naituding met nga ibagi ti Top 10 Outstanding Students of the Cordillera ti rehiyon iti 58th National TOSP. (-with Bombo Florence Paytocan)
