BAGUIO CITY – Nakemmeg ti Top Most Wanted ti La Trinidad, Benguet gapu iti nagtutuon a kaso daytoy iti estafa.
Sigun iti blotter ti Baguio City Police Station 2, nasurok iti 60 a kaso ti estafa ti sangsangwen ita ti suspek a ni Claire Sito Batolne, 50-anyos, awanan trabaho, tubo ken residente ti Hilltop, Bineng, La Trinidad, Benguet.
Nakemmeg ti suspek babaen iti bileg ti warrant of arrest nga inserbi ni Judge Maria Ligaya Rivera ti First Judicial Region ,Regional Trial Court, Branch 5 ken iti a pwersa ti Baguio City Police Station 2.
Naamuan a dumanon iti 44 a syndicated estafa ti kaso ti suspek no sadino 20 ditoy ti awanan nairekomendar a piyansa.
Malaksid iti daytoy, napatawan pay daytoy iti kanayonan a 17 a kaso ti estafa ken awana piyansa babaen iti impaulog ni Judge Rufus Malicdan a warrant of arrest kontra kenkuana.
Adda itan ti suspek iti kustodiya ti pulisya ken maisagsaganan dagiti kaso kontra iti daytoy.
