Naksayan ti trabaho dagiti mannursuro ti Bonifacio Elementary School ita a Brigada Eskwela gapu iti initiatiba ti Bureau of Jail Management and Penology-Male Dormitory.
Timmulong gamin dagitoy iti panagbunag ken panangitarimaan kadagiti sumagmamano a nadadael a tugawan, lamisaan, ken podiums.
Sigun iti principal ti nasao a pagadalan, panagpintor, panagdalus ti aglawlaw ken dadduma pay ti nabatbati laengen nga aramiden dagitoy.
Nupay kasta, ti kangrunaan a proyekto a nasken nga ilepasda ita kagiddan ti Brigada Eskwela ket ti panakatarimaan ti Material Recovery Facility (MRF) dagitoy.
Impeksa ti nasao a principal a mangsapsapul pay dagitoy iti kanayonan a mangtrabaho ditoy.
Inlawlawagna a nupay adda dagiti utility personnelda a mangisimpa, kasapulanda latta ditoy ti kanayunan a manpower.
Ti pannakatarimaan ti nasao nga MRF ket makatulong tapno masurwan pay dagiti estudyante iti umno a panag-segregate ken sumurot iti proyekto wenno mandato ti siudad. //Bombo Noveh Organo
