Aw-awagan dagiti transport groups ti Department of Transportation (DOTr) a tungpalenna ti “delayed promise” daytoy a mangiruar iti executive order a mangipalubos kadagiti public utility vehicle drivers a mangpabaro kadagiti prangkisa ken panagrehistroda.
Sigun kenni Mody Floranda, presidente ti Pinagkaisang Samahan ng mga Tsuper iti Operator Nationwide (PISTON), inkari gamin ni Transport Secretary Vince Dizon idi Abril 7 a maipaulog ti desision wenno pammilin kalpasan ti Holy Week.
Kinuna ni Florando nga agtaltalinaed a saan a makasapul dagiti drayber ken dagiti pamiliada iti pamastrekan gaputa “limbo” ti operasionda gapu iti kaawan ti franchise renewals dagitoy.
Immuna nga imbaga ti Land Transportation Franchising and Regulatory Board (LTFRB) a 86% kadagiti grupo ti transportasion ti nakonsolidate, ngem kinuna ni Dizon a 43% laeng ti naaprobaran.
Bayat ti panagsaritana kadagiti transport groups, kinuna ni Dizon a dagiti “unconsolidated jeepney drivers” ket mapatgan iti kalsada manen.
