Kiniddaw ni Ombudsman Jesus Crispin Remulla ti tulong dagitoy iti Bureau of Immigration ti panangipaulog iti foreign travel restriction order kontra kadagiti 77 nga opisyal ken indibidual a karaman iti maim-imbestigaran seknan kadagiti naanomalyaan nga infrastructure projects.
Sigun kenkuana nasken a saan a mapalubusan dagitoy nga agbyahe ken pumanaw iti pagilian.
Kinunana a daytoy ti napanunotda nga aramiden tapno maliklikan a makaruar dagitoy iti pagilian kas kadagiti immunan a nakaruar iti pagilian.
Gapu iti dayta, nagpirma daytoy iti surat tapno kiddawen ti tulong iti nasao nga opisina.
Inlawlawagna pay a ti nasao a kiddaw ket naisina manipud iti precautionary hold departure order nga immunan nga impaulog ti Sandiganbayan kontra kadagiti opisyal a karaman iti naanomalyaan iti flood control projects.
