Agarup 150 nga indibidual ti nakipaset iti tree-planting activity nga indauoan ti Nutrition Division of the City Health Services Office (CHSO) idiay Forbes Park idi napalabas a lawas kas paset iti selebrasyon ti Nutrition Month.
Ti tema ti nutrition month ita ket “Nutrisyon at Kalikasan, Ating Pangalagaan.”
Sigun kenni City Health Officer Dr. Celia Flor Brillantes, nu awan ti napintas ken natalged nga aglawlaw, saan a namnamaen a nasalun-at ti publiko.
Imbinglay met ni Councilor Elmer Datuin, dadaulo ti Committee on Health and Sanitation, Ecology, and Environmental Protection iti siudad a mangnamnama daytoy iti agtultuloy a panangsalwad iti Forbes Park saan laeng a para iti agdama a henerasyon no di ket para kadagiti sumarsaruno pay.
Kabayatanna, ginuyugoy met ni Junelyn Velasco, representative manipud iti City Environment and Parks Management Office (CEPMO) ti publiko nga makipaset iti panangimula kadagiti Benguet pines.
Kabayatanna, panggep met ti CHSO Nutrition Division ti panangbisitadanto ken panangmonitord kadagiti naimula a kayo idi napalabas ken panggepda metlaeng nga aramiden kas annual activity ti nasao a tree-planting activity. //bombokaren.c.sapirao
