Simmayaat ti talek ken “performance rating” ni President Ferdinand “Bongbong” Marcos Jr. bayat a bimmaba bassit kenni Vice President Sara Duterte iti kaudian a resulta iti OCTA Research survey.
Iti resulta a naipablaak ita nga aldaw, maiparparangarang iti maikadua a kuarter ti Tugon ng Masa (TNM) a 71% kadagiti adult Filipino ket matalek kenni President Marcos Jr, 2% a nangatngato ngem ti 69% a nairekord iti umuna a kuarter.
Para met kenni Duterte, ti “trust rating” daytoy ket bimmaba ti 65% manipod iti 68%.
Sigun iti OCTA, daytoyen ti maikadua a nagsaruno a kuarter a bimmaba ti “trust rating” ni Duterte, nagtultuloy sipud oto maika-uppat a kuarter ti Tugon ng Masa survey a naisayangkat idi Disiembre idi napalabas a tawen.
Kabayatanna, agarup 68% nga adult Filipino ti napnek iti performance ni President Marcos Jr., nangatngato ti 3% ngem ti 65% a nairekord idi napalabas a kuarter.
Ti survey ket naisayangkat manipod Hunio 30 agingga Hulio 5, 2024 ken naipatungpal babaen ti face-to-face interviews iti 1,200 a babae ken lalaki a respondents nga agtawen ti 18 agpangato, sigun iti OCTA.
Ti resulta ti Tugon ng Masa survey ket nairuar kas serbisio publiko babaen ti OCTA.
