BAGUIO CITY – Kidkiddawen ti liderator ti Department of Agriculture (DA) – Cordillera ti pannakitinnulong dagiti municipal agriculturists iti panakaipaay ti napintas a serbisyo kadagiti mannalon ditoy rehiyon.
Iti panakiyuman ti Bombo Radyo kenni DA-Cordillera Regional Director Cameron Odsey, kinunana a nasken nga agtungpal dagiti municipal agriculturists iti tulaganda a panagbalin dagitoy nga epektibo a mangiwanwan kadagiti mannalon iti masakupan dagitoy a munisipyo.
Dinakamatna nga adda ti regular a taripnong dagiti municipal agriculturists tapno pagnunumuan dagitoy ti nagbalin a performance dagiti staff dagitoy ken ti serbisyo nga ipapaayda kadagiti umili.
Binilinna met dagiti municipal links iti panangituloy dagitoy kadagiti napintas a narugianda ken ti panangaramid dagitoy iti kabaelanda a tumulong iti panakapasayaat ti serbisyo nga ipapaay ti DA kadagiti mannalon.